Prefekte / Prefects

Met die skeiding van die Hoërskool en Laerskool was 2015 die eerste jaar in Pro-Ed geskiedenis dat die Laerskool Prefekte gekry het.

With the seperation of the Primary School and High School, 2015 was the first year that the Primary School had it's own Prefects.

Laerskool Prefekte 2018
Primary School Prefects 2018

Hoofseun en Hoofdogter
Head Boy and Head Girl

Stacks Image 568

Henco Schrader en Isabelle Els

Laerskool Prefekte / Primary School Prefects

Stacks Image 570
Links na Regs: JC Lacock, Gerhard Koegelenberg, Daniël van Staden, JJ Grebe, Jack Brassel (Onderhoofseun), Henco Schrader (Hoofseun), Isabelle Els (Hoofmeisie), Natalie Suardi, Jurinda Fourie (Onderhoofmeisie), Kyra Berg, Kyra Roets, Kylie van Wyk, Marionette du Toit

Hoërskool
Highschool

Prefekte 2018
Prefects 2018

Hoofseun: Rowan Burger

Die jaar het uiteindelik aangebreek en daar lê groot verwagtinge vir ons as prefekte 2018 voor. Dit is vir my, Rowan Burger, 'n groot eer om as hoofseun van Pro-Ed Akademie op te tree en die unieke groep seuns en dogters as prefekte te lei na nuwe hoogtes en die skool te inspireer om na nuwe mikpunte en doeleindes te streef.

Die skool het die afgelope paar jare teen so 'n vinnige tempo gegroei en dit sal my eer wees om die skool te lei om sy kruin te bereik. Ons as prefekte van 2018 beoog om 'n eenheid in die Pro-Ed familie te vorm deur diensbaar te wees aan die Pro-Ed gemeenskap en diep spore in Pro-Ed se geskiedenis te trap. Ons wil 'n goeie voorbeeld stel vir die leerlinge wat die waardes van 'n trotse ambassadeur van Pro-Ed moet hê. Ons wil aan die einde van die jaar kan sê dat ons werklik 'n verskil aan die skool gemaak het en 'n goeie riglyn stel vir toekomstige prefekte van Pro-Ed. As daar een ding is wat ek wil implementeer in die skool, is dit om trots in die leerlinge se harte te graveer vir ons skool. Ons gaan net groei as ons gló ons gaan, en dit begin by betrokkenheid.

Ons het groot drome en nou is dit tyd om dit 'n realiteit te maak. Soos ek al genoem het, ons maak nie leë beloftes nie, maar ons gaan verseker ons beste gee in alles wat ons aanpak. Ek wil net sterkte toewens aan alle leerlinge, onderwysers en ouers van Pro-Ed vir die jaar wat voorlê; mag dit 'n jaar van vreugde en blydskap wees!

Hoofmeisie: Aniké Maritz

Om hoofmeisie te wees span vir my die kroon op 11 jaar se "wees" op skool, uitdagend, bemagtig om ‘n verskil te maak, trots en ongelooflik geëerd.

Trots, om uit so ‘n dinamiese jaargroep gekies te wees en geëerd vir die geleentheid om julle met integritieit en grasie te mag dien.

Die skool se fondamente rus op 7 steeds groeiende pilare. Regverdigheid, integriteit, omgee, respek, verantwoordlikheid, betroubaarheid en burgerskap… Almal sleutels na sukses.

Die skool het so baie om te bied, hier is elkeen belangrik, en dis wat Pro-Ed Akademie ‘n skool met ‘n verskil maak.

2018 het met ‘n vreesaanjaende spoed en intensiteit afgeskop en ‘n besige jaar lê voor ons uitgestrek. Kom ons maak planne en kry doelgerigte koöordinate. Uitstel is nie jou maat nie – moenie wag tot dit te laat is nie.

Omring jou met opregte mense wat jou opbou en motiveer.

Vra hulp indien nodig – jy is bepaald op die regte plek om gehelp te word.

Jy is ‘n kunswerk in wording – moenie verwag om alles die eerste keer reg te kry nie, maar moet nóóit moed opgee nie.

Niemand kan jou terughou nie, net jy self.

Belangrikste van alles…Glimlag, wees braaf, wees goedhartig en glo in jouself.

Daar sal altyd iemand wees wat dink jy is te jonk of te delikaat om jouself te laat geld, maar dit mag nooit sterker klink as jou eie hartklop nie.

Elke Pro-Ed leerling is die eerste druppel van ‘n groot storm. Nou is ons tyd, die wêreld wag in spanning.

Hoe dan gemaak…

Ek vra ‘n eenvoudige glimlag wat jou moet herinner: Leiers, vervul jou taak met dissipline en respek, wees bereikbaar, altyd vriendelik en met ‘n glimlag.

Leerders, ontgun jou talente en glimlag met trots as jy jou passie leef, want passie, is al wat nodig is om die onmoontlike, moontlik te maak.

Ons het elkeen potensiaal en onthou, as PRO-ED SPAN kan ons ENIGE IETS baasraak.

Pro-Ed het my geleer dat titels en al jou prestasies nie jou sukses bepaal nie. Ware sukses lê in hoe jy ander mense behandel. Jy kan die verskil wees.

Mense gaan vergeet wat jy vir hulle gedoen het, maar mense gaan nooit vergeet hoe jy hulle laat voel het nie.

Dis kosbaar as jy jou talente gebruik om ander te help om húlle potensiaal te bereik en alhoewel dit jou nie nou direk bevoordeel nie, kan ‘n mens later terugkyk en besef: DIT was die oomblikke wat jou ‘n beter mens gemaak het.

Baie dankie vir julle vertroue in my.

Ek wil persoonlik die beste EK wees wat ek kan, maar is absoluut bewus dat ek net ‘n rat in die magtige Pro-Ed masjien is.

Graag sal ek sekuriteit, rustigheid en vooruitgang wil bring, maar wil beslis nie onthou word vir wat EK bereik het nie, maar ons jaargroep van 2018.

Kom ons maak 2018 ‘n jaar om te onthou!

Aniké Maritz

Pro-Ed Akademie Hoofmeisie 2018

Stacks Image 1256
Voor van Links na Regs: Lara Bartholomae, Nicolaas Swart, Rowan Burger (Hoofseun), Aniké Maritz (Hoofdogter), Karla Boltman (Onderhoofdogter), Chrisanrie Collard , Benjamin Koch, Ansonè Bierman
Agter van Links na Regs: Jonathan Koch, Anè van der Merwe, Simonè Boshoff, Henry Fourie, Dawid Coetzee, Markus Duvenhage (Onderhoofseun)